الكوسه بقت كلمه مشهورة فمصرررررر
انتقلت من كونها اكله بتتاكل بالرز
الى "مغزى" بيتقال....يعنى مبقاش تقول لحد كوسه يجى فباله طبق فيه صلصه وخضار مقطع لالالالالالا
بقى يجى فباله فورااااااا صورة افتراضيه
لموظف فاتح درج مكتبه وبيقول لمواطن فوت علينا بكرة مش فاضيين لامك حتى قبل ميشوف وششششششه
وبحركة ماهرة من المواطن الدرج يتحط فيه المعلوم تلاقى راس الموظف ارتفعت "وتحت امرك يا استاذ"
يجى فباله زميله اللى اتعين فدفعته معيد رغم انه اعلى منه فالتقدير بس عشان ابن الدكتور او ابن جوز خاله ابن مرات عمته
يجى فباله واحد قتل وثابته عليه التهمه او تاجر فسموم بتدخل اجسام الناس ويطلع براءة لمجرد معاه فلوس لمحامى ثغرات كبير
يجى فباله دكتور او مهندس متخرج قاعد على قهوة ودبلوم متعين فوظيفه احسن منه عشان ابن خاله فراش فالحكومه
يجى فباله طالب هيموت ويسجل دراسات عليا..عايز يتعلم ويعلم ويفيد الناس..بس الدكتور يستغله لحد مياخد فكرته ويوقف تسجيل رسالته وياخد الفكرة لنفسه ويكمل فيها وحصلت قدامى
يجى فباله حجات كتير اوى...............ِ
واحب اقولكم معلومه ..دة بما انى مهندسه زراعيه
مسالتوش نفسكم فيوم ليه الكوسه؟
اشمعنى الكوسه اللى دخلناها فكل مشاكلنا
وبقينا نعلق عليها كل خيبه امل بنوصلها او حال وصلنا ليه
لان الكوسه نبات بيطرح كتير وبشكل عشوائى
يعنى ممكن تحصد انهاردة بعدها بيومين تلاته يطرح
ونباتات تانيه لا
يعنى مثلا عندك 10 نباتات تلاقى 8 طرحوا و3 على مزاجهم اتاخروا
مالاخررررر نبات بيطرح كتير وبشكل عشوائى
زى حالنا اللى كله ماشى بشكل عشوائى
مفيش حدود ولا قوانين بتحترم
كله ماشى بعشوائيه
يعنى اللى شغال فوظيفه كبيرة مش شرط كفء ليها
يعنى اللى معاه فلوس مش شرط انه اشتغل وجابها او تعب فيها
يعنى اللى نجح مش شرط اتعلم او فهم او ذاكر او حتى حلللل فالامتحان كلمه
وفالاخر احب اختم بجمله تريقه سمعتها
مهو شعب مصر اكتر شعب يحب يسخر من احزانه
سمعت شاب بيقول "لو اتقلب نيلك يا مصر صلصه مش هيكفى الكوسه اللى فيكى " هههههههه
شر البليه ما يضحك........
ليست هناك تعليقات:
إرسال تعليق